اللي يقول انه يحب منتدى بحر الشوق يدخل ويقول رايه

زحفان

السلام عليكم ورحمه من الله وبركاته


كيف حالكم جميع
بصراحه انا عادتي صريح وما ذبحني في هالدنيا الا صراحتي
ما احب اجامل ولا هم يحزنون يعني شغل النفاق هذا ربي مابلاني فيه لو ادري ان صراحتي طريق إلى هلاكي
والكلام اللي بقوله يمكن الادارة ما تكمل نص الموضوع الا وهي حاذفته
ولكن هذي حاجه حازة في خاطري من محب للمنتدى انا مالي فتره لكن الفتره اللي تواجدت فيه كانت شعله بالنسبة لي

انا بصراحه كنت من اشد المعجبين الذين يهيمون في بحر الشوق بكل حب وشغف بلا حدود
ومالكم بالطويله
انا بخش في السالفه على طوول بدون مقدمات وزحمه طريق
بصراحة المنتدى في الفتره اللي مضت كان شعله وحطوا خطين عريضين حمراوين تحت كان شعلة <<< اخص الثقافة

مالكم بالطويله وانا قلت كان يعني انه في الوقت الحالي ماحولك احد <<< وحطو الخطين

يعني ركووود مو طبيعي ومن ناحيتي بصراحه ان الستايل هذا ماحولك احد من جنبها <<<<الخطوط واجد كلها حمراء لاتنسون

والله يالستايل الاول انه افضل من هالستايل بالف مرة

وكل اللي قالوا ان الستايل هذا حلوا كلهم مجاملين مدري ليش ما كأنه منتداهم ومايغارون عليه
ليش يعني يخافون يفقدون مناصبهم او شي
بما انهم فتحوا لكم الباب انكم تبدون رايكم ياخي قول اللي في خاطرك لا تجامل
كذا تظلم نفسك
يعني نصوم ونصوم ونصوم ونفطر على بصله هذا اللي يفلق الراس

تحملوني شوي بس المنتدى الفتره هذي اسمحووولي يفتقد الى الحيوية والنشاط
بصراحه انا حاليا ادخل ومالي نفس مو زي اول
الواحد يدخل وهو متحمس

وين وعودكم يالادارة بنسوي ونسوي ولا شفنا شي
كل اللي سويتوه غيرتوا الادمين حقكم
قال شفت عيب بالمنتدى اللي يفهم بالبرمجه يضحك على المنتدى
انا ما افهم صح بس والله كنا في نعمه اول
والحين والدليل وين الاعضاء لا تقولون لي صيفيه وراحوا ييفون
اسمحولي اول كان بالمنتدى 10 على الاقل متواجدين الحين ماحولك احد تائب من الحب ويخب


انا قلت الكلام هذا من حره في نفسي منتدى متآلق والحين يوصل للمواصيل هذي
ما يصير

لا تواخذوني انا معرف ارتب كلام منمق ومزركش ولا شي رجاااال بدوي طعس
اللي على لساني اقوله ما عندي الا سادس ابتدائي

وسلامتكم


لا تزعلون يا الادارة
امنتكم الله لا تحذفون الموضوع ولا تبندوني ولو انكم اذا بندتوني ماعلي حسوفه بس اهم شيء ان فيه احد قرا الموضوع وانتبه ان فيه عضو يحب المنتدى ويغار عليه .
خلو الاعضاء يشوفونه ان كان كلامي صح بيوقفون معي وان كان رايح في رجلها بيجيني نصيبي من الكلام النقدي


سلامات <<<<< ياحليلي

يـسود الصمت

يالله حي الاخ زحفان ,,


بالنسبة لموضوعك كان من الاولى انك تضعه في قسم الاقتراحات والشكاوي


لكن مادامك طلبت ان ماينقل او يحذف << رغم انه الكلمه هذه ليست من سياستنا فالحرية عنوان لنا

اما عن غيات التفاعل والنشاط فيجب ان تعلم ان الموقع كامل توقف حوالي شهرين كاملين لا اسباب تقنيه وظروف ادارة الموقع


ونحن الان ولله الحمد بدانا نسترجع نشاط الموقع تدريجيا ولله الحمد وعلى طول ان شاء الله


اما عن التصميم نحن عملنا تصميم للموقع كامل ودفعنا فيه كامل المبلغ ولكن للاسف ليس بذاك الطموح


وهذا رابط التصميم الجديد اللي كان للموقع والمنتدى http://www.b7rna.com/b7rna


وكن نحن نريد الافضل فترقبوا تصميم المنتدى الجديد ولكن ليس قريبا لااسباب برمجية لايعلمها سوى المسؤل عن الموقع


ومضه,,

سيتم نقل الموضوع بعد 4 ايام الى قسم الاقتراحات,, بعد اخذ راي الاعضاء


لك كل الود والاحترام

ஐ سـٍ_ـٍٍكر حياتـٍ_ـٍٍي ஐ

يا هلا والله بزحفاااااااااااااان
وين هالغيبه
من طول الغيبات جاب الغنايم

والله اخوي كلامك فيه صح وفيه مبالغه
يعني :
الستايل الاول اجمل
هذي ما فيها اختلاف
والاعضاء تواجدهم اكبر سابقا
هذي كمان لا اعتراض
كلامك صح ميه ميه

لكن من جهه اخرى ليس بالسيء
انو من غيررتنا وحبنا للمنتدى انو نصير
يد وحده ونبنيه من جديد

ولا شو رأيك

تعاال بقلك سالفه
<< شعندهاا تتفلسف

مره وحده تسأل حبيبها ليه تحبني؟
قال لها الحب ما له اسباب
فقالت له الا لازم تقلي سبب لمحبتك لي
فقال لها : احبك عشان عيونك حلوه
وشعرك حلو
وعيونك تذبحني
ووووووووووووو الخ...

المهم بعد اسبوع سوت حادث وراحت فيها
خياطه وكسوور وشعر نقص وعمليات

لا اطولها وهي قصيره المهم ::
راح زارها بالمستشفى فقال لها:
فاكره ليه كنت احبك ؟
عشان شعرك حلو بس الحين صار مو حلو
وعيونك شوفي كيف منفخه وحالك وحش
ووجهك صار مشطب
الي كنت احبك عشانه راح""""

لا تسأليني ليه احبك الحب ماله اسباب



ادري طولت بس دخلت جو مع السالفه

المهم
كلنا نحب المنتدى ولا كان ما تواجدناا فيه
فلن نحبه لستايله او لون خطه او ........

مشكووور عالطرح زحفااان وننتظر مشاركاتك الحلوه
دمت بخير

وبالنسبه لنقل الموضوع ::: انتم ادرى لا تعليق عليه

زحفان

اما ييا يسود اربع ايام بس
وش ذا اخبرك اكرم من كذا
تدري ان العرب نوعين
عرب اصليين وعرب تقليد عاد بدون هرج فاضي
فانت منالعرب الاصليين
والعرب في سابق العهد الضيف اذا لفاهم ما يقولون له وش عندك جاي الا بعد ثلاثة ايام
واليوم الرابع يقولون هات علومك
عاد انت ماشءالله عليك ماشي على هالمبدء ميه ميه ومتمسك بالهرجه صح
عاد بس بتخليه اربع ايام

اقولك يسووود
قل تم


وثلاثه ايتم من عندي زيادة وش قلت ......؟

والله اني داري انك مطنوووخ وكفو وتيوسها ولا عمرك رديت احد <<<<< يقاله هياط


عوافي عليك خيوووو يسود الصمت

الله الله شدو حيلكم المنتدى يبغاله شغل من اول وجديد





سلامااااات <<<<<< ياحليلي

زحفان

اما سكر حياتي كلها هنا

يا مرحبا يامرحبا

عاد والله ماتطلعين لين تتقهوين
وتزورينا بالمخيم حقنا بالثمامة
انا ادري اني سويت لكم زحمة بالمخيم لكن بعزمكم كلكم وبوزع عليك اللي هي الاستمارات اللي يعبيها ولي الامر اللي يسمونها موافقه ولي الامر
ياهم امتحوناونا فيها في الابتدائي
عاد عندنا وحد من العيال في الحارة كفوووووو
كل ما قلنا بنطلع رحله مع المدرسة وعطونا الاسمارات على طول نوديها له

مالكم بالطويله الرجال شرحه يطول



سكر كل يوم تعالي الا بقولك عمرك ادمنتي على عصير طماطم
دايم الدكاتره يوصون اللي عنده فقر دم بعصير الطماطم عاد عليه طعم والا العلبه اللي هو فيها مصديه رايحه وطي





سلاماااااات <<<<<<< ياحليلي

نـحبكم

وربي حتى انا مو عاجبني الوضع هيك ’’

بس يالله هي ازمه وان شالله تعدي ,,

ويرجع منتدانا زي ما كان وأحسن

•(-•ღالـــروحღ•-)•

السلام عليكم ورحمه الله وبركاته ..


اهلا اهلا زحفــ..ـآن يا ربي حيييه



اول شئ اشكرك على حرصك للمنتدى وكلآمك ابد ما فيه اي شئ


لكن مثل مآ قآل لك اخوي يسود الموقع آلآن تحت التطوير ..بالكآمل ..


ومثل ما انت ملاحظ الوقت الحآلي المنتدى باحسن حآل من اول ..


واحنى نحطم دائمآ للقمـه والقمـه ما تكتمل الى با الاعضاء الي مثلك وشرواك...



لكن تآكـد تمام الثـقـه المنتـدى راح يتغير بالكامل ومن تطور للتطور ....



وبنتظآر آبدعآتك معنـ..ـآ ودمت دومآ متالق في منتديات بحر الشوق ..



واتمنى لك التوفيق ..


اخوك


الروح

مغرزه بكعب

هلااااااا بزحفااااان....

الصراحه انا من مؤيدي في اللي يقوله اخوي

انا عن نفسي صرت ماادخل المنتدى الا مره في الاسبوع واحياانا يمر اسبوع مادخل

>>تدرون ليشش

لاني اذا دخل ماالقى الاسكرحياتي او تاايب بسسسس

اروح الالعااب ومااش فيهاا بروووود عكس اول مع اني من عشااق العاب بحر الشوق

بس اتمنى من كل قلبي ان الستاايل والاعضاء يرجعووون مثل اول واحس يااااااااااااااااااارب

وبعدين فيه كثييير من الاعضااء مااشفنااهم في الستايل الثاني؟؟؟؟

ويسلموو اخوي زحفاان ع صراحتك الحلوه

تقبل مروري......

زحفان

يالله حي نحبكم كلكم

وان شاء الله زي ماتقولين ازمة وتعدي
مالنا الا نوقف جنب الادارة ونشجعهم ولا نحبط من معنواتهم
يقولك انت تصل للقمة متأخرا خيرا من ألا تصل

كلامي صحيح والا من جنبها <<< عادي علقوا اقتقبل بصدر يوسع اهل مكة ومن يسعابها

المهم يالسنايدية

العشاء بكره عندي قولي تم

زحفان

الله يحييك يالروح

القهوه يا ولد



اخبارك والله يا طلتك ان لها رزه انت ويسوود احس انكم اسووود <<<< يقاله سجع
مالكم بالطويلة
والله يا خيو الروح

الله يكتب اللي فيه الخير
لك ولنا وان المنتدى يرتقي من افضل للافضل ويعانق القمم


الله الله في شدة الهمة
بس سؤال يطرح نفسه


المنتدى كان توووب ليش وش اللي صار حتىى وصل للمواصيل ذي .....؟


ملاحظة
السؤال لا يمكن تلافيه اتمني الاجابة وتشكراتي

زحفان

هلاااااااااا واااااااااااااااااااااااااااااااالله بمغرزة بكعب


وينك منذو مبطي لم نركِ فيذا

اجل العشا بعد بكره عندي قولي تم


الا تعالي وين مفحطه بناقه و رقاصة البعارين
وقولي لمفحطه بناقة
يقولك زحفان رجعي العربون اللي دفعه في الناقة

كل يوم والثاني تقولين بكره بكره الى متى ...... ؟


الزبده لا تنسين تسلميلي عليهم كلهم




سلاماااات <<<<<<< ياحليلي

زحفان

تدرون وش اللي في بالي

ابغا ادهم يجي يقولي ليش ووش اللي صاير
لانه من يوم ما طلعلنا وحن ما ندري وش السالفه
انقلبت الدنيا فوق تحت

يالربع انا ابغى شي يبري العله
ويشيل علامات الاستفهام هذي اللي تلف وتدور فوق راسي تقول كني افلام كرتون


ادهم

تعال وجاوب على كل التساؤلات لان انت الاول والاخير اللي تقدر تحل هالزحمه


تدرون انا اشره عليكم لو انكم قايلين لنا من اول
مو تحطونا في وجه المدفع
والله ياني متاكد ان الاعضاء ولا واحد فيهم عاجبه الوضع وانا اولهم

يا هي حالة يرثى لهم

انظروا إلى حال التائب من الحب من يسليه وهو كل يوم مرتز في المنتدى لحاله
والله حرام عليكم تنزلونه من اللوحه الشرفيه احسن مشرف هذا سنه تخلونه معلق حلال فيه.

ازهلها تائبوه لو اني في الادارة صدقني لرقيك رتبه وزير اذا ما انكرشت خلال هاليومين لاني احس اني زودت العتب شوي


الزبده يا اخ ادهم

اشفي غليلي وفكني من علامات الاستفهام هذي واللي يرحم والدينك
الوضع اصبح خطر جسيم على المنتدى وانا بصراحه المنتدى تعلقت فيه بس بشكله الاول
والحين اخاف اصحى بكره تلاقيني شايله من المفضلة <<<< ابد ما يهدد لا تفهمون غلط

يالله بروح اودي كفر السيارة البنشري







سلامااااااات <<<<< ياحليلي

مازلت طفلتهـ المدللهـ !!

السـلام عليكم والرحمـهـ ..

اسمحلي خيـو زحفـان بتعـليق على موضـوعكـ

خيـو الفتـرهـ الماضيـهـ كانـت صعبـهـ شوي والكـل فيهـا كان مضغـوط واكيـد انهـ الاختبـارات كانت فارضهـ جوهـا على الكـل ..فكـانت سبب رئيسـي للركـود في جميـع المنتـديـات ..

وبمـاانهـا فترهـ وعـدت اكيـد انهـ المنتـدي حيرجـع زي ماكـان وافضـل بكثير ان شـاء الله وهاالشـي ماحيصير بيـن يـوم وليلـهـ فطـول بالكـ شـوي وبـدل مانجلـس نعتـب ونشـرهـ ع فـلان وغيـرهـ ليـش مانكـون احنـا سـبب بعـودهـ الاعضـاء او جـذب اعضـاء جـدد ..
ليـش مانحـاول نحـيي المنتـدى ونعمـل لهـ جـو جـديـد لاتسـالنـي كيـف لو كـل عضـو فكـر بهاالموضـوع بجـديهـ وحـاول يبحـث عن افكـار تسـاعـده صدقنـي حنلاقي الكثير من الاقتراحات الـرائعـهـ ..

وباالنسبـهـ للستـايـل انـا ارفـض انهـ يكـون سـبب بهجـر الاعضـاء للمنتـدى ..نجـاح المنتـدى يكـون بتعـاون اعضـائهـ .. وتميـزهـم .. مـو بجمـال الستايل وحداثهـ قـد يكـون سـبب للجـذب وليـس للتميـز


امـا باالنسبـهـ لكلامكـ عـن الادارهـ فاانـا اشـوف انكـ ظالمهـم كثيـر .. اكيـد انهـ حبكـ للمنتـدى ورغبتكـ بتميـزهـ هـو دافعكـ بـس مايجـوز نرمـي كل حاجهـ عليهـم الاداره مـو مقصـره بشـي وتسعـى قـد ماتقـدر حتى ترضـي الكل ..بـس للاسـف المشكلة باالاعضـاء ..واكبـر دليل على كلامـي الوضـع الحالي مشكله بسيطهـ بستايل المنتدى.. فيـن الاعضـاء ماحولكـ احــد الكل تركـ المنتـدى ..!!!!!!


اخـوي اتمنـى تفكـر بكـلامـي .. ونتعـاون على احيـاء المنتـدى ..

شـاكـرهـ لكـ
مــازلــت طفلتـهـ ..!!